Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 507 Hüküm no: 587 Orijinal metin no: [84b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ördek Kasap mahallesinden Arap Rahime bt. Abdullah’ı boşayan Arap Ali b. Abdullah’ın mehri ödemesi İslâmbol’da Ördek Kasab mahallesinde sâkine ve zâtı mu‘arrefe Arab Rahime bt. Abdullah nâm hatun Davudpaşa Mahkemesi’nde meclis-i şer‘de zevc-i mutallıkı Arab Ali b. Abdullah mahzarında mezbûr Ali zevc-i dâhilim olduğu hâlde târih-i i‘lâmdan dört ay mukaddem bâyinen beni tatlîk etmekle zimmetinde ma‘kūdun-aleyh olan on guruş mehr-i müeccelimin iki guruşunu yedinden ahz ü kabz edip bâkīsi olan sekiz guruşu dahi taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i mezbûr sekiz guruşun edâsıyla mezbûr Ali ilzâm olunduğu huzûr-ı âlîlerine i‘lâm olundu. Fî 11 Şevvâl sene 1196