Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 509 Hüküm no: 592 Orijinal metin no: [85a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andon v. Artin’in Serope v. Avadik’e olan borcunu ödemesi İpekçi tâifesinden Serope v. Avadik nâm zimmî Davudpaşa Mahkemesi’nde meclis-i şer‘de Çivici Andon v. Artin nâm zimmî muvâcehesinde târih-i i‘lâmdan üç sene mukaddem merkūm Andon zimmî yedinden istidâne ve kabz ve umûruna sarfla istihlâk eylediği cihet-i karzdan iki yüz elli guruş alacak hakkımın yüz elli guruşunu merkūm Andon zimmî yedinden ahz ü kabz ve bâkīsi olan yüz guruşu dahi hâlâ taleb ederim deyü da‘vâ etdikde ol dahi ber-vech-i muharrer ikrâr ve i‘tirâf etmeğin mûcebince meblağ-ı bâkī-i mezbûr yüz guruşun edâsıyla merkūm Andon zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 11 min-Zilka‘de sene 1196