Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 512 Hüküm no: 598 Orijinal metin no: [85a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mustafa’nın İbrahim b. Mehmed’den aldığı tohumlara ait ücreti ödemesi Kasab tâifesinden İbrahim b. Mehmed nâm kimesne Davudpaşa Mahkemesi’nde meclis-i şer‘de Mehmed b. Mustafa mahzarında mezbûr Mehmed yedimden iştirâ ve kabz eylediği vezn ve fiyâtı beynimizde ma‘lûm tohum semeninden zimmetinde yedi yüz yetmiş bir para alacak hakkım olmağla hâlâ taleb ederim deyü ba‘de’d-da‘vâ ve’l-istintâk mezbûr Mehmed dahi cevâbında ber-vech-i muharrer ikrâr lâkin meblağ-ı mezbûrun altı yüz on bir parasını bi’d-defa‘ât kendüye edâ ve teslîm edip zimmetimde ancak yüz altmış para deynim bâkī kalmış idi deyü def‘ ve def‘-i mezkûrunu beyândan ızhâr-ı acz edip talebiyle müdde‘î-i mezbûr İbrahim ba‘de’t-tahlîfi’ş-şer‘î mûcebiyle meblağ-ı mezbûr yedi yüz yetmiş bir parayı müdde‘î-i mezbûr İbrahim’e edâ ve teslîme mezbûr Mehmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 24 Za sene 1196