Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 513 Hüküm no: 600 Orijinal metin no: [85b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağcı Todori’ye yağ parası borcu olan Poyo v. Marko’nun parayı ödemesi Yağcı tâifesinden Todori v. Kostandi nâm zimmî Davudpaşa Mahkemesi’nde meclis-i şer‘de Semerci Poyo v. Marko nâm zimmî muvâcehesinde bundan akdem merkūm Poyo zimmî yedimden iştirâ ve kabz eylediği vezn ve fiyâtı beynimizde ma‘lûm revgan-ı sâde bahâsından zimmetinde on altı guruş otuz altı para alacak hakkımın beş guruşunu yedinden ahz ü kabz bâkīsi olan on bir guruş otuz altı parayı dahi hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Todori zimmî ber-vech-i muharrer müdde‘âsını beyân edemeyip istihlâf eyledikde ol dahi yemîninden nükûl etmeğin mûcebiyle meblağ-ı bâkī-i mezbûr on bir guruş otuz altı parayı müdde‘î-i merkūm Todori zimmîye edâ ve teslîme merkūm Poyo zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 25 Za sene 1196