Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 517 Hüküm no: 610 Orijinal metin no: [86a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mahmud’un Dülger Mihal’e vermesi gerektiği neccarlık ücretini ödemesi Dülger tâifesinden Mihal v. Yuvan zimmî Davudpaşa Mahkemesi’nde meclis-i şer‘de Ahmed b. Mahmud nâm kimesne mahzarında bundan akdem mezbûr Ahmed’e beher yevm ellişer para ücret tesmiyesiyle İslâmbol’da Seyyid Ömer mahallesinde vâki‘ bir bâb muhterik menzilinde neccârlık ücretinden ba‘de’l-hesâb zimmetinde sekiz günde terâküm eden on guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk mezbûr Ahmed dahi cevâbında ancak sekiz günde kırkar paradan sekiz guruş deyni olduğunu ikrâr ziyâde iki guruşunu ba‘de’l-inkâr müdde‘î-i merkūm ziyâde müdde‘âsını beyândan ızhâr-ı acz edip talebiyle mezbûr Ahmed’e yemîn teklif olundukda ol dahi yemînden nükûl etmeğin mûcebiyle meblağ-ı mezbûr on guruşu müdde‘î-i merkūm Mihal zimmîye edâ ve teslîme mezbûr Ahmed Beşe’ye tenbîh olunduğu bi’l-iltimâs. Fî 13 min-Z sene 1196