Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 520 Hüküm no: 617 Orijinal metin no: [86b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manol v. Manol’un eşi Sofya’nın evine dönmesi Bâ‘isü’l-i‘lâm Manol v. Manol nâm zimmî Davudpaşa Mahkemesi’nde meclis-i şer‘de hâlâ zevcesi şahsı mu‘arrefe Sofya bt. Mihal nâm Nasrâniye muvâcehesinde mersûme Sofya Nasrâniye zevce-i menkûham olup lâkin mahmiye-i İslâmbol’da Mirâhor mahallesinde mütemekkine anası Anaştaşya Nasrâniyenin menzilinde mütemekkine olup benim mahmiye-i mezbûrede Balat kapısı kurbünde vâki‘ galak ve merâfıkı başka tahliye eylediğim menzilimde benimle mütemekkine ve ezvâc mu‘âmelesinden ibâ ve imtinâ‘ eder deyü ba‘de’d-da‘vâ ve’l-istintâk ve’l-ikrâr mûcebiyle zevci müdde‘î-i merkūm Manol zimmînin mârrü’z-zikr Balat kapısı kurbünde vâki‘ tahliye eylediği menzilinde mütemekkine ve zevci merkūm ile ezvâc mu‘âmelesi etmek üzere mersûme Sofya Nasrâniyeye tenbîh olunduğu bi’l-iltimâs huzûr-ı âlîlerine i‘lâm olundu. Fî 20 Zilhicce sene 1196