Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 520 Hüküm no: 618 Orijinal metin no: [86b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha bt. Mehmed’in boşandığı eşindeki nafaka alacağı konusunda anlaşmaya vardığı Zâtı mu‘arrefe Zeliha bt. Mehmed nâm hatun Davudpaşa Mahkemesi’nde meclis-i şer‘de zevc-i sâbıkı es-Seyyid Ahmed b. Mehmed mahzarında mezbûr es-Seyyid Ahmed’in firâşından hâsıla ve benden mütevellide Şerife Tayyibe nâm sagīreyi hîn-i vilâdetimde sagīre-i mezbûrenin umûruna mâlımdan sarf eylediğim otuz bir guruş ile mukaddemâ nafaka-i hamlim içün takdîr olunan küllü yevm dörder paradan otuz üç günde terâküm eden üç guruş on iki para ki cem‘an otuz dört guruş on iki parayı taleb ederim deyü tesaddî eylediği da‘vâsından bâ-vesâtet-i muslihîn mezbûr es-Seyyid Ahmed ile on iki guruş on iki para üzerine sulh olup mâ‘adâsına müte‘allika ve bi’l-cümle husûs-ı mezkûra müte‘allika da‘vâdan mezbûr es-Seyyid Ahmed’in zimmetini ibrâ ve ıskāt eyledikde ol dahi sulh [ve] ibrâsını ba‘de’l-kabûl bedel-i sulh-ı merkūm on iki guruş on iki parayı müdde‘iye-i mezbûre Zeliha Hatun’a bi’t-taleb edâ ve teslîme mezbûr es-Seyyid Ahmed’e tenbîh olunduğu bi’l-iltimâs i‘lâm olundu. Fî 20 min-Z sene 1196