Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 525 Hüküm no: 628 Orijinal metin no: [87b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Melek Hatun mahallesindeki Emir Paşa bahçesinde yapılan incelemede Kalender’in iple boğulmuş olduğunun tespit edildiği Sâdır olan fermân-ı âlîlerine imtisâlen derûn-ı arzuhâlde mezkûr olup bundan akdem mahnûkan hâlik olan Kalender nâm zimmînin keşfi içün Davudpaşa Mahkemesi’nden meb‘ûs Kâtib Hafız Numan Efendi dâ‘îleri asesbaşı ve subaşı kulları ma‘rifetleriyle hâlik-i merkūmun hayatında mütemekkin olduğu mahmiye-i İslâmbol’da Mevlevîhâne Yenikapısı dâhilinde Melek Hatun mahallesinde vâki‘ Emir Paşa bağçesi demekle arîf bağçeye varıp hâzır olan cemâ‘at-i Müslimîn ile hâlik-i merkūmun a‘zâsına nazar eylediklerinde hâlik-i merkūmun boğazından ip ile mahnûkan hâlik olup boğazında hâlâ ip dahi mevcûd ve kulağından ve burnundan dem seyelân ve müte’essiren hâlik olduğu mu‘âyene ve müşâhede olunup hâlik-i merkūmun lâşesini zîr-i hâke ilkāya ba‘de’l-izn mezbûr dâ‘îleri vâki‘ hâli mahâllinde ketb ü tahrîr ve gelip alâ-vukū‘ıhî inhâ ve takrîr eylediği bi’l-iltimâs huzûr-ı âlîlerine i‘lâm olundu. Fî 7 Muharrem sene 1197