Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 529 Hüküm no: 636 Orijinal metin no: [88a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Beşe’nin Halil Beşe’ye olan borcunu ödemesi Bâ‘isü’l-i‘lâm Halil Beşe b. Abdullah nâm kimesne Davudpaşa Mahkemesi’nde meclis-i şer‘de es-Seyyid Osman Beşe b. İsmail nâm kimesne mahzarında bundan akdem mezbûr es-Seyyid Osman Beşe zimmetinde cihet-i deyn-i şer‘îden elli sekiz buçuk guruş alacak hakkım olmağla hâlâ taleb ederim deyü eylediği da‘vâdan bâ-vesâtet-i muslihîn mezbûr es-Seyyid Osman Beşe ile üç guruş bedel-i makbûza sulh olup mâ‘adâ elli beş buçuk guruşa ve bi’l-cümle husûs-ı mezkûra ve sâire müte‘allika âmme-i da‘vâdan mezbûr es-Seyyid Osman Beşe’nin zimmetini ibrâ ve ıskāt eyledikde ol dahi sulh ve ibrâsını kabûl eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 11 Muharrem sene 1197