Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 529 Hüküm no: 637 Orijinal metin no: [88a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. Hasan ve İbrahim b. Abdullah’ın odalarından eşyalarını çaldığına dair Murad b. Hüseyin aleyhine açtıkları davanın kabul edilmediği Bâ‘isü’l-i‘lâm es-Seyyid İsmail b. Hasan ve İbrahim b. Abdullah nâm kimesneler Davudpaşa Mahkemesi’nde meclis-i şer‘de Murad b. Hüseyin nâm kimesne mahzarında mezbûr Murad târih-i i‘lâmdan bir gün mukaddem bizim İslâmbol’da ( ) mahallesinde vâki‘ sâkin olduğumuz odamıza gelip odamız derûnunda mevcûd mâlımızdan otuz bir guruş kıymetli eşyâ-i mütenevvi‘a-i ma‘lûmemiz zâyi‘ olmağla Murad târih-i mezbûrda odamıza geldiğine binâen zikr olunan eşyâyı mezbûr Murad’dan hâlâ taleb ederim deyü eyledikleri da‘vâlarına iltifât olunmadığı bi’l-iltimâs huzûr-ı âlîlerine i‘lâm olundu. Fî 13 Muharrem sene 1197