Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 531 Hüküm no: 640 Orijinal metin no: [88b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Ömer’in emaneten Osman Çavuş’a verdiği esamisinin ibtidâ denilen tezkiresini geri taleb ettiği Vilâyet-i Anadolu’da Kü[ta]hya kazâsına tâbi‘ İn karyesi ahâlisinden olup İslâmbol’da Pertev Paşa Hanı’nda müsâfiren sâkin İbrahim b. Ömer nâm Sipâhî Silahdâr ocağı çavuşlarından el-Hâc Mehmed Çavuş mübâşeretiyle Davudpaşa Mahkemesi’nde meclis-i şer‘e ihzâr etdirdiği ocağ-ı mezbûr çavuşlarından Osman Çavuş b. Mustafa mahzarında bundan akdem bin yüz doksan iki senesi Recebi’l-ferd’inin üçüncü günü ocağ-ı mezkûrede ( ?) bölükde Yusuf İbrahim Kütahya kırâet olunur mutasarrıf olduğum yevmî on akçe esâmîmin ibtidâ ta‘bîr olunur tezkiresini mezbûr Osman Çavuş’a emânet vaz‘ ve teslîm ve müstahık olduğum ulûfemi dahi onun yediyle alınagelmekle ben hâlâ esâmî-i mezkûrun ibtidâ ta‘bîr olunur tezkiresini mezbûr Osman Çavuş’dan taleb ederim deyü da‘vâ etdikde ol dahi cevâbında ber-vech-i muharrer ikrâr lâkin esâmî-i mezkûru müdde‘î-i mezbûr İbrahim kayınatası gāib ani’l-meclis Musli Bey b. el-Hâc Güliş nâm kimesneye târih-i mezbûrda meccânen ferâğ ve kasr-ı yed ve esâmî-i mezkûra müte‘allika da‘vâdan gāib-i mezbûr Musli Bey’in zimmetini ibrâ ve ıskāt ol dahi ibrâsını kabûl etmiş idi deyü ba‘de’d-def‘ ve’l-inkâr mezbûr Osman Çavuş def‘-i mezkûrunu bir vechile beyâna kādir olmayıp talebiyle mezbûr İbrahim ba‘de’t-tahlîfi’ş-şer‘î mûcebince esâmî-i mezkûrun ibtidâ ta‘bîr olunur tezkiresini müdde‘î-i mezbûr İbrahim’e def‘ ü teslîme mezbûr Osman Çavuş’a tenbîh olunduğu bi’l-iltimâs huzûr-ı âlîlerine. Fî 15 min-Muharremi’l-harâm sene 1197