Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 531 Hüküm no: 641 Orijinal metin no: [88b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife bt. Mehmed’in beygirini çaldığı iddiasıyla Mustafa b. Süleyman’a açtığı davaya sulh bedeli karşılığı son verildiği İslâmbol’da Çerâğī Hasan mahallesinde sâkine ve zâtı mu‘arrefe Hanife bt. Mehmed nâm hatun Davudpaşa Mahkemesi’nde meclis-i şer‘de Mustafa b. Süleyman nâm kimesne mahzarında mezbûr Mustafa emlâkimden elli guruş kıymetli bir re’s kula bârgirimi gasben ahz ve âhara teslîmle istihlâk etmekle kıymet-i mezkûresi olan elli guruşu mezbûr Mustafa’dan taleb ederim deyü eylediği da‘vâsından bâ-vesâtet-i muslihîn mezbûr Mustafa ile on guruş üzerine sulh olup bârgir-i mezkûra ve mâ‘adâ kıymetine müte‘allika âmme-i de‘âvîden mezbûr Mustafa’nın zimmetini ibrâ ve ıskāt eyledikde mezbûr Mustafa dahi ber-vech-i muharrer sulh ve ibrâsını ba‘de’l-kabûl bedel-i sulh-ı merkūm on guruşu müdde‘iye-i mezbûre Hanife Hatun’a bi’t-taleb edâ ve teslîme mezbûr Mustafa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 16 Muharrem sene 1197