Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 533 Hüküm no: 646 Orijinal metin no: [89a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa’nın alacağından fazla olan dokuz buçuk guruşu Mehmed b. Mustafa’dan istememesi Bâ‘isü’l-i‘lâm Mustafa Ağa b. Ömer nâm kimesne Davudpaşa Mahkemesi’nde meclis-i şer‘de es-Seyyid Mehmed b. Mustafa nâm kimesne mahzarında bundan akdem benim gāib ani’l-beled Kanadar Mustafa nâm kimesneye yedinden müşterâ ve makbûz lahm-ı ganem semeninden zimmetimde on üç guruş deynim ve mezbûr Kanadar Mustafa’nın dahi işbu mezbûr es-Seyyid Mehmed’de cihet-i deyn-i şer‘îden kezâlik on üç guruş deyni olup gāib-i mezbûr Kanadar Mustafa deyn-i mezkûru olan meblağ-ı mezbûr on üç guruş ile mezbûr es-Seyyid Mehmed’i benim üzerime üçümüz bir meclisde olduğumuz hâlde havâle-i sahîha-i şer‘iye ile havâle ve her birimiz havâle-i mezkûreyi ba‘de’l-kabûl mezbûr es-Seyyid Mehmed meblağ-ı mezbûr on üç guruşdan ziyâde dokuz buçuk guruşumu dahi bi-gayrı hakkın ahz etmekle ziyâde makbûzu olan meblağ-ı mezbûr dokuz buçuk guruşu mezbûr es-Seyyid Mehmed’den istirdâd ederim deyü da‘vâ etdikde ol dahi cevâbında fi’l-vâki‘ yirmi iki buçuk guruş kabzını ikrâr lâkin gāib-i mezbûr Kanadar Mustafa’nın bana yirmi iki buçuk guruş deyni ve müdde‘î-i mezbûrun dahi gāib-i mezbûra kezâlik yirmi iki buçuk guruş deyni olmağla gāib-i mezbûr Kanadar Mustafa deyn-i mezkûru olan meblağ-ı mezbûr yirmi iki buçuk guruş ile beni müdde‘î-i mezbûr Mustafa Ağa üzerine havâle etmiş idi deyü eylediği def‘ini şühûd-ı udûlden Ömer b. Osman ve İbrahim b. Mehmed nâm kimesneler şehâdetleriyle bi’l-muvâcehe vech-i şer‘î üzere isbât etmeğin mûcebince müdde‘î-i mezbûr Mustafa Ağa ziyâde dokuz buçuk guruş mutâlebesiyle mezbûr es-Seyyid Mehmed’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm. Fî 3 min-S sene 1197