Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 534 Hüküm no: 647 Orijinal metin no: [89a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Habibe’nin amcası Osman’a emanet verdiği parayı geri vermesi Zâtı mu‘arrefe olan Şerife Habibe bt. Ali nâm hatun Davudpaşa Mahkemesi’nde meclis-i şer‘de ammisi Osman b. Ali nâm kimesne mahzarında bundan akdem mezbûr Osman’a mâlımdan bi-tarîki’l-emâne kırk bir guruş otuz beş para def‘ ü teslîm eylediğimde ol dahi yedimden ahz ü kabz etmekle meblağ-ı mezbûr kırk bir guruş otuz beş parayı mezbûr Osman’dan hâlâ taleb ederim deyü ba‘de’d-da‘vâ ve’l-istintâk ol dahi cevâbında ber-vech-i muharrer ikrâr lâkin meblağ-ı mezbûr kırk bir guruş otuz beş parayı müdde‘iye-i mezbûre Şerife Habibe Hatun’un emriyle âhar ammisi Abdülkerim nâm kimesneye def‘ ü teslîm etmiş idim deyü eylediği def‘ini beyândan âciz ve talebiyle mezbûre Şerife Habibe Hatun ba‘de’t-tahlîfi’ş-şer‘î mûcebiyle meblağ-ı mezbûr kırk bir guruş otuz beş parayı müdde‘iye-i mezbûre Şerife Habibe Hatun’a edâ ve teslîme mezbûr Osman’a tenbîh olunduğu bi’l-iltimâs huzûr-ı âlîlerine i‘lâm olundu. Fî 3 S sene 1197