Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 534 Hüküm no: 648 Orijinal metin no: [89a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Ali’nin Arap Ayşe’yi dövdüğü için açılan davaya sulh bedeli karşılığı son verildiği Sâhibe-i arzuhâl zâtı mu‘arrefe Arab Âişe bt. Abdullah nâm hatun Silahdâr ocağı çavuşlarından Ali Çavuş mübâşeretiyle Davudpaşa Mahkemesi’nde meclis-i şer‘de ihzâr etdirdiği ocağ-ı mezbûr çavuşlarından es-Seyyid Osman b. es-Seyyid Ali nâm kimesne mahzarında mezbûr es-Seyyid Osman târih-i i‘lâmdan beş gün mukaddem İslâmbol’da Uzun Yusuf mahallesinde vâki‘ sâkin olduğu menzilinde sille ve yumruk ile benim bi-gayrı hakkın ağzıma darb ve ondan nâşi ağzımın sol cânibinin üst yanından bir dişimi kesr etmekle mûcib-i şer‘îsini mezbûr es-Seyyid Osman’dan hâlâ taleb ederim deyü eylediği da‘vâsından bâ-vesâtet-i muslihîn mezbûr es-Seyyid Osman ile an-inkâr on iki guruş bedel-i makbûza sulh olup husûs-ı mezkûra müte‘allika âmme-i da‘vâdan mezbûr es-Seyyid Osman’ın zimmetini ibrâ ve ıskāt eyledikde ol dahi sulh ve ibrâsını kabûl eylediği ba‘de’t-tescîli’ş-şer‘î bi’l-iltimâs huzûr-ı âlîlerine i‘lâm olundu. Fî 4 S sene 1197