Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 539 Hüküm no: 658 Orijinal metin no: [90a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ligori v. Lazari’nin aldığı merkebin ücretini Lazari v. Avram’a ödemesi Bâ‘isü’l-i‘lâm Lazari v. Avram nâm zimmî Davudpaşa Mahkemesi’nde meclis-i şer‘de Ligori v. Lazari nâm zimmî muvâcehesinde mesfûr Ligori zimmî zimmetinde mukaddemâ yedimden iştirâ ve kabz eylediği bir re’s merkeb semeninden sekiz guruş on para alacak hakkımın on parasını yedinden ahz ü kabz edip bâkī sekiz guruşu dahi mesfûr Ligori zimmîden hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Lazari zimmî ber-vech-i muharrer müdde‘âsını beyândan âciz ve talebiyle mesfûr Ligori zimmîye yemîn teklif olundukda ol dahi yemînden nükûl etmeğin mûcebince meblağ-ı bâkī-i mezbûr sekiz guruşu müdde‘î-i merkūm Lazari zimmîye edâ ve teslîme merkūm Ligori zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 14 S sene 1197