Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 540 Hüküm no: 659 Orijinal metin no: [90a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife bt. Ali, kocasından boşandıktan sonra pişman olduğunu söylemişse de tekrar evlenmelerinin mümkün olmadığı Zâtı mu‘arrefe olan Hanife bt. el-Hâc Ali nâm hatun Davudpaşa Mahkemesi’nde meclis-i şer‘de zevc-i muhâlı‘ı es-Seyyid Mustafa b. İsmail nâm kimesne mahzarında mezbûr es-Seyyid Mustafa zevc-i dâhilim olduğu hâlde beynimizde hüsn-i mu‘âşeretimiz olmayıp ben hul‘a tâlibe olduğum ecilden târih-i i‘lâmdan üç gün mukaddem zevcim mezbûrun zimmetinde mütekarrer ve ma‘kūdun-aleyh olan beş guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr es-Seyyid Mustafa ile muhâla‘a-i sahîha-i şer‘iye ile hul‘ ve hukūk-ı zevciyete müte‘allika âmme-i da‘vâdan mezbûrun zimmetini ibrâ ve ıskāt ve ol dahi hul‘ ve ibrâmı kabûl etmiş idi. El-hâletü hâzihî ben hul‘-ı mezbûra nâdime olmamla mehr-i mezbûr beş guruş ile nafaka-i iddet-i ma‘lûme ve meûnet-i süknâmı mezbûr es-Seyyid Mustafa’dan hâlâ taleb ederim deyü tesaddî eylediği da‘vâsı takrîr-i meşrûhu üzere meşrû‘a olmayıp mezbûr es-Seyyid Mustafa’ya şer‘an suâl dahi teveccüh etmediği bi’l-iltimâs huzûr-ı âlîlerine i‘lâm olundu. Fî 15 S sene 1197