Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 540 Hüküm no: 660 Orijinal metin no: [90a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaziye mahallesinden Ayşe bt. Mustafa’nın evinden parasını çalan Mehmed’e açtığı davadan vazgeçtiği İslâmbol’da Koca Mustafa Paşa kurbünde Canbaziye mahallesinde sâkine Âişe bt. el-Hâc Mustafa nâm hatunun zevci ve tarafından sâbitü’l-vekâle vekîli Ahmed Beşe nâm kimesne Davudpaşa Mahkemesi’nde meclis-i şer‘de es-Seyyid Mehmed b. es-Seyyid Mehmed nâm kimesne mahzarında bundan akdem mezbûr es-Seyyid Mehmed müvekkilem mezbûre Âişe Hatun’un mâlından bi-gayrı hakkın yirmi iki guruşunu hufyeten ahz ü kabz etmekle meblağ-ı mezbûr yirmi iki guruşu ben bi’l-vekâle mezbûr es-Seyyid Mehmed’den hâlâ taleb ederim deyü eylediği da‘vâsından bâ-vesâtet-i muslihîn meccânen fâriğ olup meblağ-ı mezbûr yirmi iki guruşa ve sâire müte‘allika âmme-i da‘vâdan mezbûr es-Seyyid Mehmed ile kız karındaşı işbu hâzıra Şerife Hadice bt. el-mezbûr es-Seyyid Osman nâm hatundan her birinin zimmetlerini bi’l-vekâle ibrâ ve ıskāt eyledikde onlar dahi ibrâsını kabûl eyledikleri ba‘de’t-tescîl bi’l-iltimâs huzûr-ı âlîlerine i‘lâm olundu. Fî 15 S sene 1197