Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 546 Hüküm no: 674 Orijinal metin no: [91a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi İsmail Beşe’nin Yağcı Nikola’dan aldığı yağın ücretini elli dokuz buçuk para hariç olmak üzere ödemesi gerektiği Yağcı tâifesinden Nikola v. Ayvat nâm zimmî Davudpaşa Mahkemesi’nde meclis-i şer‘de Çörekçi es-Seyyid İsmail Beşe b. Ahmed nâm kimesne mahzarında mezbûr es-Seyyid İsmail Beşe zimmetinde mukaddemâ yedimden iştirâ ve kabz eylediği beher kıyyesi yirmişer paradan elli dokuz vakıyye şîrugan bahâsından yirmi dokuz guruş otuz para alacak hakkım olmağla hâlâ taleb ederim deyü ba‘de’d-da‘vâ ve’l-istintâk mezbûr es-Seyyid İsmail Beşe dahi cevâbında beher kıyyesi on dokuzar paraya olmak üzere elli dokuz buçuk vakıyye şîrugan iştirâsını ikrâr ziyâde elli dokuz buçuk parayı ba‘de’l-inkâr müdde‘î-i merkūm Nikola zimmî ber-vech-i muharrer ziyâde müdde‘âsını beyândan âciz ve talebiyle mezbûr es-Seyyid İsmail Beşe’ye yemîn teklif olundukda ol dahi yemînden nükûl etmeğin mûcebince meblağ-ı mezbûr yirmi dokuz guruş otuz parayı müdde‘î-i merkūm Nikola zimmîye edâ ve teslîme mezbûr es-Seyyid İsmail Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 13 min-Ra sene 1197