Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 548 Hüküm no: 679 Orijinal metin no: [91a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arabacı Bayezid mahallesinde Şerife bt. Hasan’ı boşayan Hasan b. Mehmed’in mehir ve sair haklarını ödemesi İslâmbol’da Arabacı Bâyezid mahallesinde sâkine ve zâtı mu‘arrefe Şerife bt. Hasan nâm hatun Davudpaşa Mahkemesi’nde meclis-i şer‘de zevc-i mutallıkı Hasan b. Mehmed nâm kimesne mahzarında mezbûr Hasan zevc-i dâhilim olduğu hâlde târih-i i‘lâm günü beni tatlîk etmekle zimmetinde ma‘kūdun-aleyh olan üç bin akçe mehr-i müeccel hakkım ile nafaka-i iddet-i ma‘lûme ve meûnet-i süknâmı zevc-i mutallıkım mezbûrdan hâlâ taleb ederim ba‘de’d-da‘vâ ve’l-istintâk ol dahi cevâbında müdde‘iye-i mezbûre ancak iki bin akçe mehir ile zevcesi ve târih-i mezbûrda tatlîkini ikrâr ziyâde bin akçeyi inkâr etmeğin müdde‘iye-i mezbûreye vech-i muharrer ziyâde bin akçe müdde‘âsını beyâna ba‘de’l-havâle mertebe-i ikrârı olan meblağ-ı mezbûr iki bin akçeyi müdde‘iye-i mezbûre Şerife Rukiye Hatun’a edâ ve teslîme mezbûr Hasan’a ba‘de’t-tenbîh müdde‘iye-i mezbûre Şerife Rukiye Hatun ber-minvâl-i muharrer nafaka-i iddet ve meûnet-i süknâsı içün zevc-i mutallıkı mezbûr Hasan ile altı yüz akçe üzerine terâzî olunduğu bi’l-iltimâs huzûr-ı âlîlerine i‘lâm olundu. Fî 15 Ra sene 1197