Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 549 Hüküm no: 681 Orijinal metin no: [91b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Ömer’in kayınvalidesi Emine’nin damadının evinden aldığı eşyaları geri vermesi Bâ‘isü’l-i‘lâm Osman b. Ömer nâm kimesne Davudpaşa Mahkemesi’nde meclis-i şer‘de kayınvâlidesi zâtı mu‘arrefe Emine bt. Ahmed nâm hatun mahzarında bundan akdem kayınvâlidem mezbûre Emine Hatun emlâkimden olup hâlâ aynıları yedinde mevcûd olan iki destâr ve bir hilâlî gömlek ve bir bez gömlek ve bir iş makramesi ve bir yorgan ve iki zıbın ve bir Şam alacası entarimi bi-gayrı hakkın ahz ü kabz etmekle eşyâ-i muharrere-i mezkûremi kayınvâlidem mezbûre Emine Hatun’dan taleb ederim deyü ba‘de’d-da‘vâ ve’l-istintâk ve’l-ikrâr mûcebiyle eşyâ-i muharrere-i mezkûreyi müdde‘î-i mezbûr Osman’a def‘ ü teslîme mezbûre Emine Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 18 Ra sene 1197