Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 553 Hüküm no: 689 Orijinal metin no: [92a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hatun’u boşayan Hafız Mehmed Molla’nın mehri ödemesi İslâmbol’da Cerrâh Mehmed Paşa Câmi‘-i şerîfi kurbünde el-Hâc Ahmed mahallesinde sâkine Fatıma Hatun’un babası ve tarafından ber-vech-i âtî da‘vâya vekîl olduğu zât-ı mezbûru ârifân Ali b. Ali ve İbrahim b. Veliyüddin nâm kimesneler şehâdetleriyle şer‘an sâbit olan Bostânî Mustafa b. Ebîbekir nâm kimesne Davudpaşa Mahkemesi’nde meclis-i şer‘de müvekkile-i mezbûrenin zevc-i mutallıkı Hafız <> Molla Ahmed b. Mehmed nâm kimesne mahzarında mezbûr Hafız Molla Ahmed kızım müvekkilem mezbûre Fatıma Hatun’un yüz otuz iki guruş mehr-i müeccel tesmiyesiyle zevce-i medhûlün-bihâsı olduğu hâlde târih-i i‘lâmdan üç gün mukaddem zevcesi kızım müvekkilem mezbûre Fatıma Hatun’u tatlîk etmekle zimmetinde ma‘kūdun-aleyh olan mehr-i mezkûr yüz otuz iki guruş ile nafaka-i iddet-i mu‘ayyene ve meûnet-i süknâsını dahi zevc-i mutallıkı mezbûr Hafız Molla Ahmed’den bi’l-vekâle hâlâ taleb ederim deyü da‘vâ etdikde ol dahi kaziyye vech-i muharrer üzere olduğunu ikrâr ve i‘tirâf etmeğin mûcebince mehr-i meblağ-ı mezbûr yüz otuz iki guruşun edâsıyla mezbûr Molla Ahmed ba‘de’l-ilzâm zevcesi müvekkile-i mezbûre Fatıma Hatun’un ber-vech-i muharrer nafaka-i iddet-i ma‘lûme ve meûnet-i süknâsı içün mezbûr Hafız Molla Ahmed on guruş üzerine terâzî olunduğu bi’l-iltimâs huzûr-ı âlîlerine i‘lâm. Fî 27 min-Ra sene 1197