Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 554 Hüküm no: 690 Orijinal metin no: [92a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin v. Rabael’in Osman Beşe’den aldığı bargir ücretinin geri kalanını ödemesi İslâmbol’da Melek Hatun mahallesinde sâkin Osman Beşe b. Süleyman nâm kimesne Davudpaşa Mahkemesi’nde meclis-i şer‘de Artin v. Rabael nâm zimmî muvâcehesinde bundan akdem merkūm Artin zimmî yedimden iştirâ ve kabz eylediği bir re’s doru bârgir semeninden otuz beş guruş alacak hakkımın beş guruşunu yedinden ahz ü kabz edip bâkīsi olan otuz guruşu dahi hâlâ taleb ederim deyü ba‘de’d-da‘vâ ve’s-suâl ve’l-ikrâr alâ-mûcebi ikrârihî meblağ-ı bâkī-i mezbûr otuz guruşu müdde‘î-i mezbûr Osman Beşe’ye edâ ve teslîme merkūm Artin zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî-gurreti Rebî‘ülâhir sene 1197