Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 556 Hüküm no: 696 Orijinal metin no: [92b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahimpaşa mahallesinden Ayşe bt. Hasan ile Osman b. Ali’nin boşandıkları İslâmbol’da Silivrikapısı dâhilinde İbrahim Paşa mahallesinde sâkine ve zâtı mu‘arrefe olan Âişe bt. Hasan nâm hatun Davudpaşa Mahkemesi’nde meclis-i şer‘de zevc-i dâhili Osman b. Ali nâm kimesne mahzarında müdde‘iye-i mezbûre Âişe Hatun’un zevci mezbûr ile beynlerinde hüsn-i mu‘âşeretleri olmayıp müdde‘iye-i mezbûre hul‘a tâlibe olduğu ecilden zevci mezbûrun zimmetinde ma‘kūdun-aleyh olan yirmi iki guruş mehr-i müeccelinin yedi guruşu ve nafaka-i iddet-i ma‘lûmesi üzerlerine ve meûnet-i süknâsı dahi kendi üzerine olmak üzere zevci mezbûr Osman ile muhâla‘a-i sahîha-i şer‘iye ile hul‘ olduğunda ol dahi hul‘-ı mezbûru ba‘de’l-kabûl hukūk-ı zevciyete müte‘allika âmme-i de‘âvîden her biri âharın zimmetini ibrâ ve ıskāt edip her biri ber-minvâl-i muharrer âharın ibrâsını kabûl eyledikden sonra mezbûr Osman mehr-i bâkī-i mezbûr on beş guruşu bi’t-terâzî târih-i i‘lâmdan on beş gün tamamında müdde‘iye-i mezbûre Âişe Hatun’a edâ ve teslîme ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 8 Rebî‘ülâhir sene 1197