Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 559 Hüküm no: 701 Orijinal metin no: [92b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Hüseyin’in Bostancı Abdullah’daki alacağını ispatlayamadığı Bâ‘isü’l-i‘lâm zâtı mu‘arrefe Fatıma bt. Hüseyin nâm hatun Davudpaşa Mahkemesi’nde meclis-i şer‘de Bostânî Abdullah b. Ahmed mahzarında bundan akdem mezbûr Bostânî Abdullah’a gāibe ani’l-meclis Hanife nâm hatunu tezvîc etmek içün bilâ-tesmiyeti’l-ücret mezbûr Bostânî Abdullah’a on beş gün mikdârı hizmet edip müddet-i mezkûrede sebk eden hizmetimin ecr-i misli ile mezbûrun bi-şarti’r-rücû‘ emriyle mâlımdan iştirâ eylediğim on bir guruş on para kıymetli on aded yemeni semeni olan on bir guruş on parayı dahi emr-i mezkûruna binâen hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre Fatıma ber-vech-i muharrer müdde‘âsını beyândan âcize ve talebiyle mezbûr Bostânî Abdullah ba‘de’t-tahlîfi’ş-şer‘î mûcebince müdde‘iye-i mezbûre Fatıma Hatun da‘vâ-yı mezkûresiyle mezbûr Bostânî Abdullah’a bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 22 R sene 1197