Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 559 Hüküm no: 702 Orijinal metin no: [93a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Andriya’nın Dimitri v. Peraşkave’deki alacağını ispatlayamadığı İşbu bâ‘isü’l-i‘lâm Kasab Andriya v. Vasil nâm zimmî Davudpaşa Mahkemesi’nde meclis-i şer‘de Dimitri v. Peraşkave nâm zimmî muvâcehesinde mesfûr Dimitri zimmî zimmetinde mukaddemâ yedimden müstedân ve makbûz cihet-i karzdan yirmi guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Andriya zimmî ber-vech-i muharrer müdde‘âsını beyândan âciz ve talebiyle mesfûr Dimitri zimmî ba‘de’t-tahlîfi’ş-şer‘î mûcebince müdde‘î-i merkūm Andriya zimmî meblağ-ı mezbûr yirmi guruş mutâlebesiyle mesfûr Dimitri zimmîye bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 24 min-R sene 1197