Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 560 Hüküm no: 703 Orijinal metin no: [93a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri v. Peraşkave’nin Andriya v. Vasil’den şalî ve bastırma ücreti olarak alacağı olduğu İşbu bâ‘isü’l-i‘lâm Dimitri v. Peraşkave nâm zimmî Davudpaşa Mahkemesi’nde meclis-i şer‘de Andriya v. Vasil nâm zimmî muvâcehesinde merhûm Andriya zimmî zimmetinde mukaddemâ yedimden iştirâ ve kabz eylediği fiyâtı ve zirâ‘ ve vezni beynimizde ma‘lûm şalî ve basdırma semenlerinden on iki guruş alacak hakkım olmağla hâlâ taleb eylerim deyü da‘vâ etdikde ol dahi cevâbında müdde‘î-i mesfûr Dimitri yedinden ancak dört guruş on paralık şalî ve basdırma iştirâsını ikrâr mâ‘adâyı inkârından gayrı meblağ-ı mezbûr mesfûr Dimitri beyândan âcizler ve her biri âharı istihlâf eyledikde mesfûr Andriya zimmî yemînden nükûl ve müdde‘î-i mesfûr Dimitri zimmî ba‘de’t-tahlîfi’ş-şer‘î mûcebince meblağ-ı mezbûr on iki guruşu müdde‘î-i mesfûr Dimitri zimmîye edâ ve teslîme merkūm Andriya zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 24 min-R sene 1197