Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 560 Hüküm no: 704 Orijinal metin no: [93a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mehmed’in beygirini önce Mehmed b. Abdi’ye sattığı ancak sonradan anlaşarak satıştan vazgeçtiği Bâ‘isü’l-i‘lâm es-Seyyid Ali b. es-Seyyid Mehmed nâm kimesne Davudpaşa Mahkemesi’nde meclis-i şer‘de Mehmed b. Abdi nâm kimesne mahzarında mezbûr Mehmed târih-i kitâbdan sekiz gün mukaddem yedimde mâlım ve mülküm olan bir re’s bârgirimi mezbûr Mehmed’e otuz guruşa nes’eten bey‘ ve temlik ve teslîm eyledikde ol dahi ber-vech-i muharrer iştirâ ve temellük ve tesellüm ve kabûl edip lâkin beynimizde olan bey‘i bi’t-terâzî fesh ve ikāle ve zikr olunan bârgirimi mezbûr Mehmed bana red ve teslîm eyledikde ben dahi yedinden kabz ve tesellüm eyledim dediğini mezbûr Mehmed dahi tasdîk eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 23 min-R sene 1197