Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 560 Hüküm no: 705 Orijinal metin no: [93a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin v. Serkiz’in borçlusu Haçador v. Danil’den parayı aldıktan sonra murâbaha talebinin meşru olmadığı Bâ‘isü’l-i‘lâm Artin v. Serkiz nâm zimmî Davudpaşa Mahkemesi’nde meclis-i şer‘de Haçador v. Danil nâm zimmî muvâcehesinde mesfûr Haçador zimmî bundan akdem yedimden istidâne ve kabz eylediği cihet-i karzdan iki yüz elli guruş alacak hakkımı merkūm Haçador zimmî bana tamamen edâ ve teslîm edip lâkin meblağ-ı mezbûr iki yüz elli guruşun bilâ-devr murâbahasından bâkī yirmi guruş murâbahayı merkūm Haçador zimmîden hâlâ taleb ederim deyü tesaddî eylediği da‘vâsı takrîr-i meşrûhu üzere meşrû‘a olmayıp merkūm Haçador zimmîye suâl dahi teveccüh etmeyeceği huzûr-ı âlîlerine i‘lâm olundu. Fî 26 R sene 1197