Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 567 Hüküm no: 719 Orijinal metin no: [94a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Mehmed’in yanan evinde kiracı olarak kalan Saliha Hatun’un bir miktar gümüşlerini aldığı yolundaki iddianın ispatlanamadığı İslâmbol’da Avratpazarı kurbünde Hobyar mahallesinde sâkine Fatıma bt. Mehmed nâm hatunun zevci ve tarafından sâbitü’l-vekâle vekîli Ahmed Ağa b. Mehmed nâm kimesne Davudpaşa Mahkemesi’nde meclis-i şer‘de zâtı mu‘arrefe Saliha bt. İbrahim nâm hatun mahzarında mezbûre Saliha Hatun zevcem müvekkilem mezbûrenin emlâkinden olup bundan akdem vukū‘ bulan harîk-i kebîrde muhterik olan şerîtli ve sîmli esvâb-ı mütenevvi‘a-i ma‘lûmesinden hâsıl bir tencere derûnunda mevzû‘ ma‘lûmü’l-mikdâr gümüşünü mezbûre Saliha Hatun bi-gayrı hakkın ahz ü kabz etmekle zikr olunan gümüşü mezbûre Saliha Hatun’dan bi’l-vekâle hâlâ taleb ederim deyü ba‘de’d-da‘vâ ve’s-suâl ve’l-inkâr müdde‘î vekîl-i mezbûr Ahmed Ağa ber-vech-i muharrer müdde‘âsını beyândan âciz ve talebiyle mezbûre Saliha Hatun ba‘de’t-tahlîfi’ş-şer‘î mûcebince müdde‘î vekîli mezbûr Ahmed Ağa da‘vâ-yı mezkûresiyle mezbûre Saliha Hatun’a bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 17 min-Ca sene 1197