Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 569 Hüküm no: 723 Orijinal metin no: [94b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülcelil b. Abdülbâki’nin kendisine küfrettiği için Osman b. Abdullah aleyhine açtığı davadan vazgeçtiği Sâhib-i arzuhâl Abdülcelil b. el-Hâc Abdülbâki nâm kimesne Davudpaşa Mahkemesi’nde meclis-i şer‘de derûn-ı arzuhâlde mezkûrü’l-ism Osman b. Abdullah nâm kimesne ile bi’t-terâzî terâfu‘alarında mezbûr Osman târih-i i‘lâmdan yirmi gün mukaddem bana muvâcehemde ta‘zîri mûcib lafızla şetm etmekle mûcib-i şer‘îsini mezbûr Osman’dan hâlâ taleb ederim deyü tesaddî eylediği da‘vâsından bâ-vesâtet-i muslihîn meccânen fâriğ olup husûs-ı mezkûra ve sâire müte‘allika da‘vâdan mezbûr Osman’ın zimmetini ibrâ ve ıskāt eyledikde ol dahi sulh ve ibrâsını kabûl eylediği ba‘de’t-tescîl mübâşirleri Mehmed Çavuş iltimâsıyla huzûr-ı âlîlerine i‘lâm olundu. Fî 19 min-Cumâdelûlâ sene 1197