Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 574 Hüküm no: 735 Orijinal metin no: [95a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veliyüddin b. Abdulfettah’ın yanında çalıştığı Mustafa Ağa aleyhine açtığı hizmet bedeline ait davaya sulh bedeli karşılığı son verildiği Bâ‘isü’l-i‘lâm Veliyüddin b. Abdulfettah nâm kimesne Davudpaşa Mahkemesi’nde meclis-i şer‘de el-Hâc Mustafa Ağa b. el-Hâc İbrahim mahzarında mezbûr el-Hâc Mustafa Ağa’nın talebiyle mukaddemâ bilâ-tesmiyeti’l-ücret altı ay hizmetim sebk etmekle şühûr-ı merkūmede sebk eden hizmetimin ecr-i mislini mezbûr el-Hâc Mustafa Ağa’dan hâlâ taleb ederim deyü tesaddî eylediği da‘vâsından bâ-vesâtet-i muslihîn mezbûr el-Hâc Mustafa Ağa ile dokuz guruş bedel-i makbûza sulh olup şühûr-ı merkūmede eylediği hizmetinin ecr-i misline müte‘allika âmme-i da‘vâdan mezbûr el-Hâc Mustafa Ağa’nın zimmetini ibrâ ve ıskāt eyledikde ol dahi sulh ve ibrâsını kabûl eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 28 min-Ca sene 1197