Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 574 Hüküm no: 736 Orijinal metin no: [95a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Abdullah’ın zahîre bedelinden Tanaş v. Peratmoz’a borcu olduğu Bakkāl tâifesinden Tanaş v. Peratmoz nâm zimmî Davudpaşa Mahkemesi’nde meclis-i şer‘de Yusuf b. Abdullah nâm kimesne mahzarında mezbûr Yusuf zimmetinde mukaddemâ yedimden iştirâ ve kabz eylediği ecnâs-ı zehâir bahâsından ba‘de’l-hesâb yirmi beş guruş altı para alacak hakkım olmağla hâlâ taleb ederim deyü da‘vâ etdikde ol dahi cevâbında ber-vech-i muharrer ikrâr ve i‘tirâf etmeğin mûcebince meblağ-ı mezbûr yirmi beş guruşu altı parayı müdde‘î-i merkūm Tanaş zimmîye edâ ve teslîme mezbûr Yusuf tenbîh olunduğu bi’l-iltimâs huzûr-ı âlîlerine i‘lâm olundu. Fî-gurreti C sene 1197