Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 585 Hüküm no: 761 Orijinal metin no: [96b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Sipahi’nin Mustafa Çavuş’a olan borcuna kefil olan İsmail Sipahi’nin borcu ödemesi Sâhib-i arzuhâl es-Seyyid Mustafa Çavuş b. el-Hâc Mehmed Emin nâm kimesne Sipâh ocağı çavuşlarından Mustafa Çavuş mübâşeretiyle Davudpaşa Mahkemesi’ne ihzâr etdirdiği İsmail Sipâhî b. Ahmed nâm kimesne mahzarında bundan akdem gāib ani’l-meclis Ali Sipâhî b. Mehmed nâm kimesneye bi-tarîki’l-emâne def‘ ü teslîm eylediğim yirmi beş guruşun edâsına mezbûr İsmail işbu târih-i i‘lâm günü emr ve kabûlü hâvî kefâlet-i sahîha ile kefîl ve zâmin olmağla meblağ-ı mezbûr yirmi beş guruşu mezbûr İsmail’den hâlâ taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı mezbûr yirmi beş guruşun edâsıyla mezbûr İsmail ilzâm olundukdan sonra meblağ-ı mezbûr yirmi beş guruşu kefâletine binâen târih-i i‘lâmdan bir gün mürûrunda mezbûr es-Seyyid Mustafa Çavuş Ağa’ya edâya ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 20 min-C sene 1197