Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 586 Hüküm no: 765 Orijinal metin no: [96b-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Emine bt. Abdullah’a borcu olan Osman b. İbrahim’in parayı vârisi Ahmed Efendi’ye ödemesi Mahmiye-i İslâmbol’da ( ) mahallesinde sâkine iken bundan akdem fevt olan Emine nâm-ı diğer Tevekkül bt. Abdullah nâm hatunun min-ciheti’l-usûbeti’n-nesebiyye kendüyü i‘tâk eden Ahmed Efendi’nin oğlunun oğlu ve hasran vârisi diğer Ahmed Efendi b. Mustafa b. el-mezbûr Ahmed Efendi Davudpaşa Mahkemesi’nde meclis-i şer‘de Osman b. İbrahim nâm kimesne mahzarında mezbûr Osman mûrisem müteveffât-ı mezbûre Emine nâm-ı diğer Tevekkül Hatun yedinden hayatında istidâne ve kabz eylediği cihet-i karzdan kırk guruş alacak hakkı olmağla meblağ-ı mezbûru kable’l-ahz ve’l-istifâ mezbûre Emine nâm-ı diğer Tevekkül fevt ve meblağ-ı mezbûr bana mevrûs olmağla meblağ-ı mezbûr kırk guruşu mezbûr Osman’dan hâlâ taleb ederim deyü tesaddî [97a] eylediği da‘vâsından bâ-vesâtet mezbûr Osman ile yirmi guruş bedel-i makbûza sulh olup mâ‘adâ yirmi guruşa müte‘allika da‘vâdan mezbûr Osman’ın zimmetini ibrâ ve ıskāt eyledikde ol dahi sulh ve ibrâsını kabûl eylediği bi’l-iltimâs huzûr-ı âlîlerine i‘lâm olundu. Fî 22 min-C sene 1197