Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 589 Hüküm no: 769 Orijinal metin no: [97a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ahmed’in beygirini besleyen İbrahim b. Halil’in harcadığı parayı Mustafa Ağa’nın ödemesi Na‘lband tâifesinden İbrahim b. Halil nâm kimesne Davudpaşa Mahkemesi’nde meclis-i şer‘de es-Seyyid Mustafa b. es-Seyyid Ahmed mahzarında bundan akdem mezbûr es-Seyyid Mustafa Ağa’nın bi-şarti’r-rücû‘ emriyle bir re’s bârgirinin nafakasına mâlımdan beher yevm on beş paradan cem‘an seksen üç günde bin iki yüz kırk beş para masrûfum olmağla meblağ-ı masrûf-ı mezkûr bin iki yüz kırk beş paranın dokuz yüz kırk beş parasını mezbûr es-Seyyid Mustafa Ağa yedinden ahz ü kabz ve üç yüz parası zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ol dahi cevâbında ancak müdde‘î-i mezbûrun kabzını mu‘terif olduğu meblağ-ı mezbûr dokuz yüz kırk beş parayı ikrâr mâ‘adâ üç yüz parayı inkâr etmeğin müdde‘î-i mezbûr İbrahim ber-vech-i muharrer müdde‘âsını beyândan âciz ve talebiyle mezbûr es-Seyyid Mustafa Ağa’ya yemîn teklif olundukda ol dahi yemînden nükûl etmeğin mûcebince meblağ-ı bâkī-i mezbûr üç yüz parayı müdde‘î-i mezbûr İbrahim’e edâ ve teslîme mezbûr es-Seyyid Mustafa Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 26 min-C sene 1197