Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 590 Hüküm no: 771 Orijinal metin no: [97b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gureba Hüseyin mahallesinden Fatma Hatun’un kocası Ali Beşe’nin açtığı eve gelmesi için babasına tenbih olunduğu İslâmbol’da Aksaray kurbünde Gurebâ Hüseyin mahallesinde sâkin Ali Beşe b. Mehmed nâm kimesne Davudpaşa Mahkemesi’nde meclis-i şer‘de hâlâ zevcesi Fatıma nâm hatunun babası ve tarafından ber-vech-i âtî vekîl olduğu zâtını ârifân mahalle-i mezbûre imâmı es-Seyyid Mustafa Efendi b. Hafız Abdurrahman ve Hafız Molla es-Seyyid Abdurrahman b. es-Seyyid Mustafa şehâdetleriyle sâbit olan Ali Ağa b. Abdullah nâm kimesne mahzarında müvekkile-i mezbûre Fatıma Hatun benim zevce-i menkûham olup mu‘accelini dahi istifâ etmiş iken zevcem müvekkile-i mezbûre Fatıma Hatun benim mahalle-i mezbûrede galak ve merâfıkı başka tedârik eylediğim menzilde sâkine ve bana mutâva‘aten babası işbu vekîl-i mezbûr Ali Ağa’ya tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebince zevcesi müvekkile-i mezbûre Fatıma Hatun zevci mezbûr Ali Beşe’nin ber-vech-i muharrer mahalle-i mezbûrede galak ve merâfıkı başka tedârik eylediği menzilde mâ‘an sâkine ve ezvâc mu‘âmelesi etmek üzere babası vekîl-i mezbûr Ali Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 26 min-C sene 1197