Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 591 Hüküm no: 772 Orijinal metin no: [97b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haçador v. Artiyon’un Abdi Çelebi mahallesindeki Haçador v. Begos’a ait duhancı dükkânının kirasını ödemesi Bâ‘isü’l-i‘lâm Haçador v. Begos nâm zimmî Davudpaşa Mahkemesi’nde Duhânî diğer Haçador v. Artiyon nâm zimmî muvâcehesinde merkūm diğer Haçador zimmî İslâmbol’da Sulu Manastır kurbünde Abdi Çelebi mahallesinde vâki‘ bir bâb duhânî dükkânımda beher şehr üçer buçuk guruş ücret tesmiyesiyle müstecirim olmağla dükkân-ı mezkûr icâresinden bin yüz doksan altı senesi Cumâdelâhiresinin on beşinci gününden sene-i mezbûre Ramazani’l-mübârekinin on beşinci gününe gelince üç ayda merkūm diğer Haçador zimmî zimmetinde terâküm eden on buçuk guruşu hâlâ taleb ederim deyü ba‘de’d-da‘vâ ve’l-istintâk ol dahi cevâbında müdde‘î-i merkūm Haçador zimmîye ancak iki aylık yedi guruş deyni olduğunu ikrâr ziyâde üç buçuk guruşu ba‘de’l-inkâr müdde‘î-i merkūm Haçador zimmîye vech-i muharrer müdde‘âsını beyândan âciz ve talebiyle merkūm diğer Haçador zimmîye yemîn teklif olundukda ol dahi yemînden nükûl etmeğin mûcebince meblağ-ı mezbûr on buçuk guruşu müdde‘î-i merkūm Haçador zimmîye edâ ve teslîme merkūm diğer Haçador zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 27 min-C sene 1197