Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 97 Hüküm no: 38 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe b. Abdullah’ın Haremeyn Evkafı’na ait evi kiraladığı Haremeyn-i Şerîfeyn Evkāfı’na bi’l-fi‘il mütevellî olan fahrü’l-akrân Hasan Bey b. Mehmed nâm bevvâb-ı sultânî meclis-i şer‘-i şerîfde işbu hâmilü’l-kitâb Mehemed Beşe b. Abdullah nâm râcil mahzarında ikrâr ve takrîr-i kelâm edip vakf-ı mezbûreden olup mahrûse-i İstanbul’da Timurhan mahallesinde vâki‘ hudûdunun bir tarafı evkāf-ı mezbûreye ve bir tarafı Lütfişâh Hatun bt. ( ) mülküne ve bir tarafı Mahmud Çavuş b. Abdullah mülküne ve bir tarafı tarîk-i âmma müntehî olup iki bâb tahtânî evleri ve bir kilârı ve müşterek su kuyusunu ve muhavvatayı müştemil olan menzili târîh-i kitâb şehr-i gurresinden üç sene tamâmına varınca yevmî iki akçe icâre-i müeccele ve altı bin akçe icâre-i mu‘acele ile mezbûr Mehmed Bâşe’ye tevliyetim hasebi ile îcâr edip ol dahi vech-i mezkûr üzere istîcâr ve kabûl eyledikden sonra icâre-i mu‘accelesi olan meblağ-ı merkūm altı bin nakd râyic fi’l-vakt akçeyi mezbûr Mehmed Beşe yedinden vakıf içi alıp kabz eyledim dedikde mütevellî-i mezbûrun ber-vech-i meşrûh [üzere] cârî olan ikrârını müste’cir-i mezbûr Mehmed Beşe dahi vicâhen tasdîk ve şifâhen tahkīk edip ve menzil-i mezbûrun meremmât-ı cüz’iyyesini kendi mâlından meremmetin ta‘ahhüd eyledikde mâ-hüve’l-vâkı‘ alâ-vukū‘ihî bi’t-taleb ketb olundu. Tahrîren fî-evâili Saferi’l-hayr min-şühûri sene ışrîn ve elf. Şühûdü’l-hâl: Ali b. Halil el-Mi‘mâr, Mustafa b. Çelebi, Mustafa Bey b. Abdullah el-Kâtib, Ahmed Çavuş b. ( ) ve gayruhüm.