Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 156 Hüküm no: 90 Orijinal metin no: [30a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ralana bt. Pandelos’un Haremeyn-i şerîfeyn Evkafı’ndan bey‘ bi’l-istiğlâl yoluyla ödünç aldığı Mahmiye-i Galata mahallâtından Sultan Bayezid mahallesinde sâkine Ralana bt. Pandelos nâm zimmiye kıbelinden âti’z-zikr bey‘ ve istîcâr ikrârına vekâleti Mustafa b. İsmail ve Mehmed b. Abdullah’ın şehâdeti ile sâbit olan Aleksi v. Kosta nâm zimmî meclis-i şer‘-i şerîfe gelip şöyle ikrâr ve i‘tirâf eyledi ki, müvekkile-i mezbûresi işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, bir tarafından bâyi‘a-i mezbûre mülkü, bir tarafından Mihal mülkü, bir tarafından Vasil v. Yorgi mülkü, bir tarafından tarîk-ı âm ile mahdûd cemi‘ menzilini cümle tevâbi‘i ve levâhıkıyla râyicü’l-vakt otuz beş bin akçe-i Osmanî semen-i mu‘ayyen-i makbûzla Haremeyn-i şerîfeyn vakf-ı nukūduna mütevellî olan hâmil-i hâze’l-kitâb fahrü’l-akran Mustafa Bey b. Kurd nâm bevvâb-ı sultânîye bey‘ etti. Mütevellî-yi mezbûr da mâl-ı vakf ile ve istiğlâl maksadıyla kendisinden iştirâ eyledi. Mütevellî-yi merkūm ba‘de’t-tahliye ve’t-tekābuz menzil-i mezbûru zeyilde mezbûr tarihden bir sene tamâmına râyicü’l-vakt üç bin beş yüz akçe ücret-i kirâ ile bâyi‘a-i mezkûreye icâreye verdi. Vâki‘ ikrâr mütevellî-yi mersûm tarafından vicâhen ve şifâhen tasdîk edildi. Sonra bâyi‘a-i mezbûrenin zevci Mihal v. Andon menzil-i merkūmun derkine ve ücret-i kirâya icâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’t-tâsi‘ ve’l-ışrîn min-şehri Cemâziyelâhire li-sene isneyn ve ışrîn ve elf. Şühûdü’l-hâl: Fahrü’l-akrân Yusuf Çavuş b. Abdullah, Mehmed Bey b. el-cündî, Mustafa b. Abdullah