Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 156 Hüküm no: 91 Orijinal metin no: [30a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihal v. Andon’un Haremeyn-i şerîfeyn Evkafı’ndan bey‘ bi’l-istiğlâl yoluyla ödünç aldığı Mahmiye-i Galata mahallâtından Sultan Bayezid mahallesinde sâkin Mihal v. Andon nâm zimmî meclis-i şer‘-i şerîfe gelip işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede kâin, bir tarafından Yani nâm zimmî, bir tarafından Ralana bt. Pandelos mülkü, bir tarafından Terzi Yanaki mülkü, bir tarafından tarîk-ı âm ile mahdûd menzilini cümle tevâbi‘i ve levâhıkıyla râyicü’l-vakt otuz beş bin akçe-i Osmanî semen-i mu‘ayyen-i makbûzla Haremeyn-i şerîfeyn vakf-ı nukūduna mütevellî olan hâmil-i hâze’l-kitâb fahrü’l-akran Mustafa Bey b. Kurd nâm bevvâb-ı sultânîye bey‘ etti. Mütevellî-yi mezbûr da mâl-ı vakf ile ve istiğlâl maksadıyla kendisinden iştirâ eyledi. Mütevellî-yi merkūm ba‘de’t-tahliye ve’t-tekābuz menzil-i mezbûru zeyilde mezbûr tarihden bir sene tamâmına râyicü’l-vakt üç bin beş yüz akçe ücret-i kirâ ile bâyi‘-i mezkûra icâreye verdi. Vâki‘ ikrâr mütevellî-yi mersûm tarafından vicâhen ve şifâhen tasdîk edildi. Sonra bâyi‘-i mezbûrun zevcesi Ralana bt. Pendelos menzil-i merkūmun derkine ve ücret-i kirâya icâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’t-tâsi‘ ve’l-ışrîn min-şehri Cemâziyelâhire li-sene isneyn ve ışrîn ve elf. Şühûdü’l-hâl: Fahrü’l-akrân Mehmed Bey b. el-cündî, fahrü’l-emâcid ve’l-ekârim Yusuf Çavuş b. Abdüddâim, Mustafa b. Abdullah, Ahmed Efendi b. imran, kâtibü’l-hurûf Abdullah Efendi el-müderrisîn