Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 286 Hüküm no: 243 Orijinal metin no: [69a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Selim Ağa’ya olan borcunu ödemesi hususunda Fâtıma bt. Hasan’a tenbihte bulunulması Ma‘rûz, Mübârek Rikâb-ı kamer-tâb-ı hüsrevâneye takdîm olunan arzuhâlde mezkûrü’l-ism Berber Selim Ağa b. Abdullah Bâb-ı hazret-i fetvâ-penâhîde Anadolu mutasarrıfları dâ‘îlerine tahsîs buyurulan dâirede ma‘kūd meclis-i şer‘-i münîrde sâhibe-i arzuhâl mu‘arrefetü’z-zât Şerife Fâtıma bt. Hasan nâm hatun muvâcehesinde mezbûre Şerife Fâtıma Hatun zimmetinde işbu sene-i mübâreke şehr-i Rebî‘ülevvel gurresi târîhiyle müverrah bir kıt‘a temessük mantûkunca malımdan ve yedimden iktirâz ve kabz ve umûruna sarfla istihlâk eylediği iki bin guruş alacak hakkım olup ve meblağ-ı mezkûru mezbûre Şerife Fâtıma Hatun’un hâlâ bana edâya iktidârı dahi olmağla meblağ-ı mezkûr iki bin guruşu mezbûre Şerife Fâtıma Hatun’dan hâlâ taleb ederim deyü da‘vâ etdikde ol dahi cevâbında kaziyye minvâl-i muharrer üzere olduğunu bi-tamâmihâ tâyi‘aten ikrâr ü i‘tirâf etmeğin mûcebince meblağ-ı mezkûr iki bin guruşun müdde‘î-i merkūm Süleyman (Selim) Ağa’ya edâsıyla mezbûre Şerife Fâtıma Hatun ilzâm olunduğu huzûr-ı âlîlerine i‘lâm olundu. Fî 10 [Cemâziyelâhir] sene [12]57.