Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 205 Hüküm no: 137 Orijinal metin no: [50a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şâhî denilen akçenin değerinin düşürülmesi sebebiyle Haremeyn Vakfı’nın mütevellisinin vakfın gelirine kesr geleceğini tespit ettirmesi Mahrûse-i İstanbul’da bi’l-fi‘il Haremeyn-i Şerîfeyn Evkāfı’na mütevellî olan fahrü’l-akrân el-Hâc Hasan Bey b. Abdullah nâm bevvâbü’s-sultânî meclis-i şer‘-i şerîfe gelip takrîr-i kelâm edip bundan akdem her şâhî beşer akçeye râyic iken evkāf-ı mezbûrenin icâre-i mu‘tâdesi beşer akçeye alınmış sekiz bin on şâhî yedimde mevcûd olup hâlâ târîh-i kitâb şehrinin dördüncü günü her şâhî dörder akçe râyic olsun deyu emr-i celîlü’l-kadr vârid olmağla sekiz bin on akçe evkāf-ı mezbûreye kesr lâzım gelmişdir. Vâki‘ hâl tahrîr olunması matlûbumdur deyu sekiz bin on şâhîyi mütevellî-i mezbûr meclis-i şer‘a getirip add olundukda mâ-hüve’l-vâkı‘ bi’t-taleb ketb olundu. Tahrîren fî-evâili Zilka‘deti’ş-şerîfe min-şühûri sene selâse ve ışrîn ve elf. Şühûdü’l-hâl: Mustafa b. Abdullah el-bevvâb, Ferhad Bey b. Abdullah, Ahmed b. Mehmed, Yusuf b. Abdullah ve gayruhüm.