Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 245 Hüküm no: 184 Orijinal metin no: [61b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf ve Mehmed’in bey‘ bi’l-istiğlâl yoluyla Haremeyn Vakfı’ndan ödünç aldığı Mahmiye-i Galata mahallâtından Emekyemez mahallesi diye meşhûr Siyam[i] Bey mahallesi sükkânından Yusuf ve Mehmed ibney merhûm el-Hâc Şa‘bân nâm kimseler meclis-i şer‘a hâzırân olup, işbu akdin kendilerinden sudûruna kadar mâliki oldukları ve taht-ı tasarruflarında bulundurdukları, mahalle-i mezbûrede kâin, biribirine muttasıl, birisinin hudûdu bir tarafından Râcil Ali Paşa b. ( ) mülkü, bir tarafından Sitti Hatun bt. ( ) mülkü, bir tarafından Ali Bey b. ( ) mülkü ve bir tarafından tarîk-ı hâs ile, diğerinin hudûdu bir tarafından el-Hâc Hasan b. ( ) vakfı, bir tarafından Ali Bey b. Sinan mülkü, bir tarafından Hûri Hatun vakfı ile mahdûd olan iki menzili cümle tevâbi‘ ve levâhıkıyla râyicü’l-vakt altmış bin akçe semen-i mu‘ayyen-i makbûzla mahmiye-i Kostantıniyye’de vâki‘ Haremeyn-i Şerîfeyn Evkāfı’na bi’l-fi‘il mütevellî olan bevvâb-ı sultânî hâmil-i hâze’l-kitâb Hasan Bey b. el-Hâc Mehmed’e bey‘ eylediğini ikrâr ve i‘tirâf etti. Mütevellî-i mezbûr dahî mâl-ı vakf ile ve istiğlâl maksadıyla iştirâ eyledi. Bâyi‘-i mezkûrun isti’cârı üzere mütevellî-i merkūm, menzil-i mezbûru tarih-i kitâb gurre-i Rebî‘i’l-âhirinden üç sene tamâmına on bin sekiz yüz akçe ücret-i kirâ ile îcâr eyledi. Vâki‘ ikrâr mütevellî-i mezkûr tarafından vicâhen ve şifâhen tasdîk edildi. Mahalle-i mesfûrede sâkine bâyi‘ân-ı merkūmânın anneleri Fâtıma Hatun bt. Hamza menzil-i mezbûrun derkine ve ücret-i kirâya îcâb ve kabûlü hâvî kefâletle kefîl oldu. Cerâ zâlike ve hurrire fî-evâili Cemâziyelâhire li-sene hamse ve ışrîn ve elf. Şühûdü’l-hâl: el-Hâc Hızır b. Murtazâ mahalle-i merkūme imâmı, Abdülcebbar b. Muharrem, Yusuf Çelebi b. el-kâtib, Mustafa Çelebi b. el-kâtib, Mustafa Ağa b. Mukata‘acı