Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 292 Hüküm no: 235 Orijinal metin no: [75b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mosi v. David ve Mosi v. Yagob adlı Yahûdilerin Haremeyn-i Şerîfeyn Vakfı’ndan istiğlâl yoluyla ödünç aldıkları Mosi v. David ve Mosi v. Yagob nâm Yahûdiler meclis-i şer‘a hâzırân olup işbu akdin kendilerinden sudûruna kadar mâliki oldukları ve taht-ı tasarruflarında bulundurdukları, havâss-ı mahmiye-i Kostantıniyye muzâfâtından Hasköy kurbünde vâki‘, bir tarafından Timurhan Vakfı, bir tarafından Yahuda v. Asyan mülkü, bir tarafından İliya v. el-Yahûdi mülkü, bir tarafından tarîk-ı âm ile mahdûd cemî‘ menzili cümle tevâbi‘i ve levâhıkıyla râyicü’l-vakt yüz bin akçe-i Osmanî semeni mu‘ayyen-i makbûzla Haremeyn-i şerîfeyn vakfı mütevellîsi Bevvâb-ı sultânî Mustafa Bey b. Kurd’a bey‘ ettiklerini ikrâr ve i‘tirâf eylediler. Mütevellî-i mezbûr dahî vakıf malıyla ve istiğlâl maksadıyla iştirâ etti. Mütevellî-i mezkûr menzil-i mesfûru zeyildeki tarihden bir sene tamâmına on bin akçeye bâyi‘ân-ı mezbûrâna icâreye verdi. Vâki‘ ikrâr mütevellî-i mezbûr tarafından vicâhen ve şifâhen tasdîk edildi. Menzil-i mezbûrun derkine ve ücret-i kirâya mahmiye-i mezbûrede vâki‘ Portekiz cemâ‘âtinden Semayil v. Vebson îcâb ve kabûlü hâvî kefâletle kefîl oldu. Cerâ zâlike ve hurrire fî-evâsıtı Recebi’l-mürecceb li-sene semân ve ışrîn ve elf. Şühûdü’l-hâl: Halil Efendi b. el-kādi, Mustafa Efendi b. el-müderris, Muslu Halîfe b. Kasım, Ali Halîfe b. Sinan ve gayrühüm