Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 294 Hüküm no: 238 Orijinal metin no: [76a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostantin v. Manol’un Haremeyn-i Şerifeyn Vakfı’ndan istiğlâl yoluyla ödünç aldığı Mahmiye-i Kostantıniyye mahallâtından Tahta Minâre mahallesinde sâkin Kostantin v. Manol nâm zimmî meclis-i şer‘-i şerîfe gelip işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, hudûdu bir tarafından Ergiri bt. Kamila mülkü, bir tarafından Kostantin v. Dimitri mülkü, bir tarafından Mihail v. Manol mülkü, bir tarafından tarîk-ı âm ile mahdûd olan menzilini cümle tevâbi‘ ve levâhıkıyla râyicü’l-vakt elli bin akçe-i Osmanî semen-i mu‘ayyen-i makbûzla mahmiye-i mezbûrede vâki‘ Haremeyn-i şerîfeyn vakfı mütevellîsi hâmil-i hâze’l-kitâb Mustafa Bey b. Kurd’a bey‘ ettiğini ikrâr ve i‘tirâf eyledi. O dahî vakıf malıyla ve istiğlâl maksadıyla iştirâ eyledi. Mütevellî-i mezkûr menzil-i mesfûru zeyildeki tarihden bir sene tamâmına beş bin akçeye bâyi‘-i mezbûra icâreye verdi. Vâki‘ ikrâr mütevellî-i mezbûr tarafından vicâhen ve şifâhen tasdîk edildi. Menzil-i mezbûrun derkine ve ücret-i kirâya Manol v. Kostantin îcâb ve kabûlü hâvî kefâletle kefîl oldu. Cerâ zâlike ve hurrire fî-evâili Recebi’l-mürecceb li-sene selâsîn ve elf. Şühûdü’l-hâl: Mustafa b. el-bevvâb, Ali Bey b. el-bevvâb, Hasan Çelebi b. Hüseyin el-mi‘mâr, Abdullah Çelebi b. el-bevvâb, Hasan Efendi b. el-kâtib ve gayrühüm