Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 298 Hüküm no: 244 Orijinal metin no: [77b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun bt. Mahmud’un, Âmine Hatun’un Haremeyn-i Şerifeyn’e vakfettiği nukud vakfından istiğlâl yoluyla ödünç aldığı Mahmiye-i Kostantıniyye mahallâtından Mi‘mâr Şücâ‘ mahallesinde sâkine Fâtıma Hatun bt. Mahmud nâm hatun meclis-i şer‘a hâzıra olup şöyle ikrâr ve i‘tirâf eyledi ki, işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, bir tarafından İbrahim b. Mehmed mülkü, bir tarafından Zeyni Hatun bt. Ahmed mülkü, iki tarafından tarîk-ı âm ile mahdûd olan menzilini cümle tevâbi‘i ve levâhıkıyla râyicü’l-vakt beş bin sekiz yüz akçe-i Osmanî semen-i mu‘ayyen-i makbûzla Âmine Hatun’un Haremeyn-i şerîfeyne vakfettiği vakf-ı nukūdun mütevellîsi fahrü’l-emsâl bevvâb-ı sultânî Veli Bey b. Abdullah’a bey‘ etti. O dahi vakıf malıyla ve istiğlâl maksadıyla menzil-i mezbûru iştirâ eyledi. Mütevellî-i mezkûr menzil-i mesfûru zeyildeki tarihden bir sene tamâmına beş yüz seksen akçeye bâyi‘a-i mezbûreye icâreye verdi. Vâki‘ ikrâr mütevellî-i mezbûr tarafından vicâhen ve şifâhen tasdîk edildi. Menzil-i mezbûrun derkine ve ücret-i kirâya bâyi‘a-i mezbûrenin oğlu İbrahim Çelebi îcâb ve kabûlü hâvî kefâletle kefîl oldu. Cerâ zâlike ve hurrire fî-gurreti âhiri’r-rebî‘ayn li-sene tis‘a ve ışrîn ve elf. Şühûdü’l-hâl: İsmail Çelebi b. el-bevvâbü’s-sultânî, Hasan Çelebi b. Hüseyin Mi‘mâr-ı hâssa, Mehmed Bey el-bevvâb-ı sultânî, Mustafa Çelebi Kâtib-i vakf-ı mezbûr ve hayrühüm