Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 299 Hüküm no: 246 Orijinal metin no: [78a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haremeyn-i Şerîfeyn Vakfı’na âid evin icâre-i tavîle ile otuz yıllığına kirâya verildiği Mahmiye-i mezbûrede vâki‘ Haremeyn-i şerîfeyn vakfına mütevellî olan fahrü’l-akrân bevvâb-ı sultânî Veli Bey b. Abdülmennan meclis-i şer‘a hâzır olup, vakf-ı mezbûra âid olan, mahmiye-i mezkûre mahallâtından Çıkrıkçı Kemal mahallesinde kâin, hudûdu bir tarafından müste’cir-i mezbûr mülkü, bir tarafından bevvâb-ı sultânî Mehmed Bey b. Bahşı mülkü, bir tarafından Davud Şubaşı b. ( ) mülkü, bir tarafından mezbûr Çıkrıkçı Kemal Vakfı ile mahdûd bulunan cemî‘ menzilini zeylde mezkûr sene gurre-i Cemâziyelâhire’sinden otuz sene tamâmına hitâm-ı akd-i mukaddemin bidâyet-i akd-i muahhar olması üzere, senevî râyicü’l-vakt yedi yüz yirmi akçe ücret-i kirâ ile hâmil-i hâze’l-kitâb fahrü’l-akrân bevvâb-ı sultânî Hüseyin Çelebi b. Bayezid’e icâre-i tavîle ile icâreye verdi. O dahî icâreye aldı. Vâki‘ ikrâr men-lehü’t-tasdîk tarafından bi’l-müvâcehe tasdîk edildi. Cerâ zâlike ve hurrire fî-evâhiri Cumâdelûlâ min-şühûri sene tis‘a ve ışrîn ve elf el-hicriyye. Şühûdü’l-hâl: Muslu Çelebi b. el-kâtib, Abdullah Beşe b. er-râcil, Şa‘bân b. Musa, Mustafa b. Seydi ve gayrühüm