Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 328 Hüküm no: 280 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sinanağa mahallesinde bulunan vakıf hamamın el-Hac Hüseyin Bey b. Hasan’a kiralandığı Bi’l-fi‘il Haremeyn mütevellîsi Veli Bey b. Abdülmennan meclis-i şer‘-i kavîmde bâ‘isü’l-kitâb el-Hâc Hüseyin Bey b. Hasan mahzarında takrîr-i kelâm ve ta‘bîr-i mâ-hüve’l-merâm edip evkāf-ı mezbûreden mahmiye-i merkūmede Sinan Ağa mahallesinde vâki‘ ferd hamâm bundan akdem bir senede dört bin akçeye îcâr olunmuşidi. Hâlâ tahvîli tamâm olup tekrâr îcâr lâzım geldikde tâlibîne arz olunup ragabât-ı nâs münkatı‘a oldukdan sonra merkūm el-Hâc Hüseyin senede üç bin akçe ziyâde ile istîcâra tâlib olup ziyâde ile tâlib-i âhar zuhûr etmeğin ben dahi hamâm-ı mezbûru târîh-i kitâb şehri gurresinden senede yedi bin akçe hesâbınca bir sene tamâmına varınca merkūm el-Hâc Hüseyin’e tevliyetim hasebi ile îcâr ve teslîm eyledim ol dahi ber-vech-i muharrer istîcâr ve kabûl eyledi mâh be-mâh kıstü’l-yevmi cânib-i vakfa edâ edip keyfe mâ yeşâ tasarruf eylesin dedikde gıbbe’t-tasdîki’ş-şer‘î mâ-vaka‘a isre’t-taleb ketb olundu. Fî-evâili Cumâdelâhire li-sene ihd[â] ve selâsîn ve elf. Şühûdül-hâl: es-Sâbıkūn.