Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 329 Hüküm no: 281 Orijinal metin no: [86b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Malının üçte birini vasiyet eden Râziye Hatun bt. Başçı’ya İsmail Halîfe’nin vasi tayin edildiği Mahmiye-i İstanbul’da Seydî Halîfe mahallesinde sâkine iken bundan akdem vefât eden merhûme Râziye Hatun bt. Başçı sülüs mâlından ba‘de’l-vefât vücûh-ı hayrâta ve fukarâ-i Haremeyn’e hâl-i hayât ve kemâl-i sıhhatinde vasiyyet edip ahâlî-i mahalle-i merkūme istişhâd etmekle tenfîz-i vesâyâsı için kıbel-i şer‘den bir vasî nasb olunmak lâzım olmağın bâ‘isü’l-kitâb İsmail Halîfe b. Ali sâlih ve mütedeyyin her vechile hizmet-i vesâye uhdesinden gelmeğe kādir kimesne olduğu sikāt haber vermeğin merhûme-i merkūme Râziye’nin sülüs mâlını ba‘de’s-sübût vasiyyeti üzere mahalline sarfa merkūm İsmail Halîfe kıbel-i şer‘den vasî nasb olunup ol dahi kabûl ve hizmet-i lâzımesin edâya müte‘ahhid olmağın mâ-hüve’l-vâkı‘ bi’t-taleb ketb olundu. Fî-selhi Cumâdelûlâ li-sene ihdâ ve selâsîn ve elf. Şühûdü’l-hâl: Hüseyin Çelebi el-kâtib, Hasan Bey el-bevvâb, Ali Beşe Çukadâr, Mustafa Bey el-cündî, Halil b. ( ).